Redes de Comunicación de Datos: a rede do meu instituto

Definición

 As redes de comunicación de datos son sistemas que permiten o intercambio de información entre dispositivos electrónicos. Imaxina estas redes coma as estradas e autoestradas de internet: transportan datos en forma de sinais electrónicos dun punto a outro, permitindo que toda a información dixital viaxe de forma rápida e segura.

A Rede de Conexión no Noso Instituto

A rede do noso instituto é unha infraestrutura fundamental que nos permite conectarnos a internet e compartir recursos dixitais. Imos explorar como funciona e os seus compoñentes principais.

Estrutura da Rede

A nosa rede educativa é unha LAN (Rede de Área Local), é unha rede de comunicación que conecta ordenadores e outros dispositivos nunha área xeográfica limitada, que utiliza unha combinación de conexións por cable e sen fíos. O centro dispón dun encamiñador principal que se conecta a Internet a través de fibra óptica.

Elementos Principais

1. Router Principal

• Xestiona a conexión a Internet.
• Distribúe a rede por todo o centro.
• Proporciona o primeiro nivel de seguridade.

2. Conmutadores

• Conectan os diferentes sectores do instituto.
• Distribúen o sinal por cable ás aulas.
• Permiten a creación de redes virtuais (VLAN).

3. Puntos de Acceso WiFi

• Distribuídos estratexicamente polo centro.
• Proporcionan cobertura sen fíos nas aulas e espazos comúns.
• Permiten a conexión simultánea de múltiples dispositivos.

4. Servidor do Centro

• Almacena documentos compartidos.
• Xestiona os permisos de usuarios.
• Mantén copias de seguridade.

Identificación de Dispositivos

Os dispositivos dunha rede identifícanse con:

• Enderezos IP, son fixos asignados, que son privados e só funcionan na rede, neste caso, do instituto e tamén hai enderezos IP públicos que van cambiando.
• Enderezos MAC, son coma unha pegada dixital única asignada á tarxeta de rede de cada dispositivo conectado a unha rede, consta de 12 díxitos hexadecimais (números e letras). Os primeiros 6 identifican o fabricante do dispositivo e os outros identifican a tarxeta de rede dese dispositivo. Non hai dous dispositivos no mundo co mesmo enderezo MAC.

O enderezo IP privado do meu ordenador de clase é 10.55.133.206, e o público é 195.57.104.118. 

E o enderezo MAC do meu ordenador de clase é D0:AD:08:5A:55:94, e grazas a ela podemos saber que este ordenador foi fabricado nos Estados Unidos por HP.

Velocidade e Rendemento do meu ordenador de clase

A rede está optimizada para o uso educativo, o dispositivo ten unha velocidade de baixada de 206,4 Mbps e unha velocidade de subida de 920,46 Mbps, e unha latencia de 18ms. Esta velocidade permite descargar un arquivo de 1GB en aproximadamente 40 segundos, e a baixa latencia de 18ms é ideal para videoconferencias e outras aplicacións en tempo real.